Rusiyada təyyarə qəzası - Ölənlər var
Rusiyanın Ryazan şəhərində təyyarə qəzası baş verib.
Busaat.az xəbər verir ki, bu barədə Rusiya Fövqəladə Hallar Nazirliyinin Ryazan vilayəti üzrə Baş İdarəsi məlumat yayıb.
TASS-a mənbənin verdiyi məlumata görə, təyyarə qəzaya uğradıqdan sonra yanğın baş verib. Agentliyin həmsöhbətinin sözlərinə görə, İl-76 nəqliyyat təyyarəsi düşüb. Artıq yanğın söndürülüb.
Təyyarənin göyərtəsində 10 nəfər olub. Mənbənin sözlərinə görə, 5 nəfər xəsarət alıb.
***
Ryazanda qəzaya uğrayan İl-76 təyyarəsində ölənlərin sayı ilkin məlumatlara görə 4 nəfərə çatıb.
Bu barədə TASS-a fövqəladə hallar xidmətindəki mənbə bildirib.
“Təyyarə mühərrikin qəfil alışması nəticəsində qəzaya uğrayıb. 4 nəfər ölüb, beşi xəstəxanaya yerləşdirilib”, – mənbə bildirib.
