“Çin öz siyasətini dəyişməsə, Rusiyanın Ukraynadakı müharibəsini dəstəkləməsinin nəticələrini çəkməlidir”.
Busaat.az “CNN”ə istinadən xəbər verir ki, bunu NATO-nun baş katibi Yens Stoltenberq deyib.
NATO-nun Ukraynaya verdiyi dəstəyə toxunan Stoltenberqin sözlərinə görə, Ukrayna vaxtı gələndə NATO-ya üzv ola biləcək:
“Hazırkı məqamda Çin Rusiyaya dəstək olmaqla, İkinci Dünya Müharibəsindən sonra Avropada ən böyük silahlı münaqişəsini qızışdırır”.
Stoltenberqin açıqlaması ilə bağlı Xarici İşlər Nazirliyinin sözçüsü Lin Jiang bildirib ki, NATO Ukrayna böhranı ilə bağlı Çinə qarşı özbaşına və böhtan xarakterli hücumlar etmək əvəzinə öz hərəkətlərinə yenidən baxmalıdır.
