Türkiyənin İzmir şəhərində bir marketdə alçanın bir ədədinin 5 TL-ə (təxminən 22 qəpik) satılması vətəndaşların təəccübünə səbəb olub.
Busaat.az Türkiyə mediasına istinadən xəbər verir ki, alçanı tək-tək satışda görən alıcılar qiymətə sərt reaksiya veriblər:
“Bu artıq lap çox oldu!”,- deyə sakinlər etiraz ediblər.
Məsələ sosial mediada da geniş müzakirələrə səbəb olub. İstifadəçilər alçanın bu qədər baha qiymətə satılmasına istehza ilə yanaşaraq “Bu, qızıl deyil, alçadır” və “Alçanı dişləmədən əvvəl yəqin ki, sənəd imzaladırlar” kimi şərhlər paylaşıblar.
Mövsümi meyvə olan alçanın belə yüksək qiymətə təklif olunması ərzaq bazarındakı bahalaşmanı bir daha gündəmə gətirib.
Aqil Nuriyev
Busaat.az
