Türkiyə prezidenti Rəcəb Tayyib Ərdoğan Ukraynaya qış ayları üçün humanitar yardım göstərəcəyini vəd edib.
Busaat.az xəbər verir ki, bu barədə məlumatı Türkiyə prezidentinin administrasiyası yayıb.
“Prezident Ərdoğan söhbət zamanı qeyd edib ki, Türkiyə qarşıdan gələn sərt qış aylarında Ukrayna xalqının humanitar ehtiyaclarını ödəmək üçün bütün işləri davam etdirəcək” – deyə, iki liderin Ukrayna böhranı ətrafında baş verən son hadisələri müzakirə etdiklərini bildirib.
Ərdoğan həmçinin ərzaq və digər məhsulların daşınması üçün Qara dəniz humanitar dəhlizinin genişləndirilməsinin tərəfdarı olduğunu bildirib və Zaporojye atom elektrik stansiyası probleminin tezliklə həll olunacağına ümid etdiyini qeyd edib.
