Türkiyədə 16 əyalətə xəbərdarlıq

Şərqi və Cənub-Şərqi Anadolu bölgəsində gözlənilən leysan və sulu qarla əlaqədar Türkiyənin 16 vilayətinə xəbərdarlıq olunub.

Busaat.az “TRT Haber”ə istinadən xəbər verir ki, bununla bağlı Meteorologiya Ümumi Müdirliyi açıqlama paylaşıb.

Son proqnozlara görə, ölkə daxilində, Mərmərənin şərqində, Şərqi Aralıq dənizi, Qara dəniz, Şərq və Cənub-Şərqi rayonlarında havanın çox buludlu olacağı və arabir yağış yağacağı ehtimal olunur.

Yağıntılar əsasən leysan xarakterlidir. Şərqi Aralıq dənizi sahillərdə şimşək çaxacağı, Şərqi Qara dəniz bölgəsində, Şərqi Anadolunun şimal və şərqində sulu qar və qar  yağacağı proqnozlaşdırılır.

Yağışların Şərqi Aralıq dənizi və Şərqi Anadolunun cənubunda bəzi yerlərdə intensiv olacağı təxmin olunur.

Zeyd Bağırzadə