Kastamonu-Karabük yolunun Kurubenzinlik qovşağında baş vermiş ağır yol qəzasında “Fiat-Tofaş” markalı avtomobil təxminən 40 metr hündürlükdən əkin sahəsinə uçaraq aşıb.
“Busaat.az” xəbər verir ki, Karabükdən Kastamonuya gəzintiyə çıxan Erdi B.-nin idarə etdiyi 78 AH 219 dövlət nömrə nişanlı avtomobil, sürücünün sükan idarəetməsini itirməsi nəticəsində yoldan çıxaraq yol kənarındakı baryerləri aşıb və buğda əkilmiş sahəyə düşüb.
Avtomobildə olan 4 nəfər – sürücü Erdi B., sərnişinlər İlknur O., Yusuf K. və Abdüssamet Ö. – nəqliyyat vasitəsində sıxışıb qalıblar. Hadisə yerinə cəlb edilən xilasetmə və təcili tibbi yardım qrupları yaralıları avtomobildən çıxararaq xəstəxanaya çatdırıblar.
Yaralıların Kastamonu Təhsil və Araşdırma Xəstəxanasında müalicə altında olduqları və vəziyyətlərinin ağır olduğu bildirilib.
Nərmin Səmidova
Busaat.az
