Türkiyədən ermənipərəst jurnalistə QADAĞA
Kanadalı jurnalist Neil Hauerin Türkiyəyə girişinə qadağa qoyulub.
Busaat.az-ın məlumatına görə, bu barədə o, “X” sosial şəbəkəsindəki səhifəsində paylaşıb.
İrəvandan İstanbul Sabiha Gökçen hava limanına turizm məqsədilə gəldiyini deyən Hauer lakin pasport nəzarətində saxlanıldığını qeyd edib. Ona adının qara siyahıda olduğu bildirilib.
16 saat gözlədikdən sonra jurnalist yenidən Ermənistana deportasiya edilib.
Hauer əvvəllər Türkiyəyə bir neçə dəfə, ən son isə 2022-ci ilin yayında səfər etdiyini yazaraq, heç vaxt belə bir problem yaranmadığnı vurğulayıb.
O, qadağanın Azərbaycanı tənqid etməsi və Qarabağ hadisələri ilə bağlı nəşrləri, erməni tərəfini fəal şəkildə dəstəkləməsi ilə bağlı ola biləcəyini ehtimal edir.
