Xerson yaxınlığında minaya düşən iki rus hərbçisinin kömək gözləyərkən çəkdikləri görüntülər sosial şəbəkədə paylaşılıb.
“ Busaat.az ” xəbər verir ki, əsgərlər müharibədə ağır yaralanıblar.
Əvvəlcə Yesaul adlı əsgər partlayıcınınüstünə basaraq yaralanıb, ona kömək etməyə çalışan Veles isə ikinci partlayış nəticəsində ayağını itirib.
Əsgərlər yeddi saat təxliyə gözləyiblər. Ukrayna PUA-larının və artilleriyanın təzyiqi səbəbindən yardım onlara çata bilməyib. Həyatla ölüm arasında qalan hərbçilər bu anları videoya çəkiblər, ailələrinə vida mesajı ünvanlayıblar.
Yoldaşına dəstək olmaq üçün mahnılar oxuyan Veles sağ qalmağı bacarsa da, Yesaul axşam saatlarında qan itkisindən dünyasını dəyişib. Hadisə ilə bağlı görüntülər sosial mediada geniş yayılıb.
Nərmin Səmidova
Busaat.az
