Ukrayna prezidenti Volodimir Zelenski Trampı “seçkidə təsirli qələbəsi” münasibətilə təbrik edib.
Busaat.az xəbər verir ki, o, “X” hesabında Trampla sentyabrda görüşünü xatırladıb.
Zelenski Trampla Ukrayna-ABŞ strateji tərəfdaşlığını, Qələbə planını, Rusiyanın Ukraynaya qarşı təcavüzünə son qoymaq yollarını detallı müzakirə etdiklərini yazıb.
“Prezident Trampın qlobal məsələlərdə güc yoluyla sülhə sadiqliyini dəyərləndirirəm. Biz Ukraynada sülhü məhz bu prinsiplə yaxınlaşdıra bilərik. Ümidvaram ki, bunu birlikdə həyata keçirəcəyik”, – Zelenski deyib.
