Avropa İttifaqı (Aİ) Şurasının sədri Antonio Kosta Aİ-nin genişlənmə hədəfinin Serbiya üçün açıq bir fürsət olduğunu və Aİ üzvlüyünü dəstəklədiyini bildirib.
Busaat.az-ın məlumatına görə, Kosta Serbiyanın inteqrasiya siyasətindən məmnun olduğunu ifadə edib:
“Aİ keçmişin mirasına baxmayaraq, öz Avropa gələcəyini seçən sabit və firavan Serbiyanın üzvlüyünə qətiyyətlə sadiq qalır. Mən eşitməkdən məmnunam ki, Avropaya inteqrasiya həm sizin, həm də yeni hökumət üçün prioritetdir. Media azadlığı, korrupsiya ilə mübarizə və seçki qanunvericiliyinin təkmilləşdirilməsi kimi əvvəllər razılaşdığımız məsələlər var”.
