Türkiyə xarici işlər naziri Hakan Fidan ABŞ dövlət katibi Antoni Blinkenlə telefonla danışıb. Məlumata görə, iki nazir İsveçin NATO-ya üzvlüyü, Azərbaycan-Ermənistan arasında normallaşma prosesləri, F-16-ların alqı-satqısı və modernləşdirilməsi, Ukrayna taxıl anlaşması ilə bağlı məsələlərini müzakirə ediblər.
Busaat.az xəbər verir ki, Türkiyə Xarici İşlər Nazirliyindən verilən məlumata görə, Blinken prezident Rəcəb Tayyib Ərdoğanın açıqladığı yeni kabinetdə Xarici İşlər Naziri vəzifəsinə təyin olunan Hakan Fidanı təbrik edib.
Görüşdə İsveçin NATO-ya üzvlüyü, Türkiyə-Ermənistan və Azərbaycan-Ermənistan arasında normallaşma prosesləri, F-16-ların alınması və modernləşdirilməsi, Ukrayna taxıl sazişi müzakirə edilib. Fidan və Blinken, iki ölkə arasındakı ortaq gündəm məsələlərini müzakirə etmək üçün ən qısa zamanda yenidən görüşmək istəklərini vurğulayıblar.
Busaat.az
