“Baş naziri belə olan ölkənin XİN rəhbərindən nə gözləmək olar?” - ŞƏRH
“Vətən müharibəsi dövründə Ermənistan baş naziri Nikol Paşinyanın dayanmadan müxtəlif ölkələrə, xarici qurumlara, beynəlxalq təşkilatlara dəfələrlə müraciətini müşahidə etdik”.
Bunu Ermənistan XİN rəhbəri Ararat Mirzoyanın Portuqaliyalı həmkarı Joao Qomeş ilə Laçın məsələsi ətrafında müzakirəsini şərh edən Konfliktalogiya Beynəlxalq Araşdırmalar Mərkəzinin rəhbəri, politoloq Vüqar Qədirov Busaat.az-a açıqlamasında deyib.
O bildirib ki, Ermənistan XİN rəhbəri Mirzoyanın Portuqaliyalı həmkarı ilə telefon danışığını normal qəbul etmək lazımdır. Çünki 44 günlük müharibədə də Ermənistanın müxtəlif ölkə rəsmilərinə zəng edərək kömək umduqlarının dəfələrlə şahidi olduq:
“Vətən müharibəsi dövründə Ermənistan Baş naziri Nikol Paşinyanın dayanmadan müxtəlif ölkələrə, xarici qurumlara, beynəlxalq təşkilatlara dəfələrlə müraciətini müşahidə etdik. Baş naziri belə olan ölkənin XİN rəhbərindən nə gözləmək olar? Mirzoyan da Paşinyan yolunun davamçısıdır”.
“Azərbaycan Qərb ölkələri üçün əhəmiyyətli dərəcədə vacib sayılacaq ölkələrdən biridir. Bu səbəbdən Paşinyan daim güvəndiyi Avropadan umduğu dəstəyi ala bilmir və xəyal qırıqlığına uğrayır. Mövcud vəziyyət isə xəyal qırıqlığına uğrayan Ermənistanı yeni ümid yeri axtarmağa vadar edir. Bu səbəbdən də Ermənistanın nəinki Portuqaliya, digər dövlətlərdən yardım ummasını təbii qəbul etmək lazımdır”, – politoloq qeyd edib.
Ələsgər / Busaat.az
