“Barselona”nın keçmiş futbolçusu Boyan Krkiç Kataloniya idman idarəçiliyində vəzifə alacaq.
Busaat.az xəbər verir ki, bu barədə Mundo Deportivo məlumat yayıb.
İspaniyalı keçmiş futbolçu mavi qranatlı Dekonun yeni idman direktoru komandasına qoşulacaq.
Mənbənin məlumatına görə, Krkiç icarə əsasında digər klublarda çıxış edən gənc “Barselona” futbolçularına diqqət yetirəcək. O, həmçinin mavi qranatlı tələbələrin əsas komandaya transferinə cavabdeh olacaq.
Xatırladaq ki, Krkiç bundan əvvəl Yohan Kroyff İnstitutunda idman menecmenti üzrə magistr dərəcəsi alıb. Barselona prezidenti Joan Laporta daha sonra üç qitədə və yeddi ölkədə oynamış Bojanın zəngin həyat təcrübəsinin mavi qranatlara faydalı ola biləcəyini açıqladı.
