“Baş verən hadisə göstərir ki, İranın Azərbaycana qarşı münasibəti qətiyyən dəyişməyib”.
Bunu Azərbaycanın İrandakı səfirliyinə silahlı hücumla bağlı fikirlərini səsləndirən hərbi ekspert Ədalət Verdiyev Busaat.az-a açıqlamasında deyib.
O bildirib ki, indiki vəziyyətdə proseslərin hərbi qarşıdurmaya qədər çatacağını düşünmür: “Həm dünya ictimaiyyəti, həm Azərbaycanın müttəfiqləri kifayət qədər qınanılacaq hadisəyə çevriləcək. İran bir daha bu fəaliyyəti ilə terror dövləti olduğunu təsdiqlədi. İran illərdirki terroru dəstəkləyir. “Vətən” müharibəsində də İran birbaşa olaraq Azərbaycana qarşı hərbi əməliyyatlarda iştirak etməsə də əldə etdiyi kəşfiyyat məlumatlarını, Arazın sahili ilə qoşunlarımızın hərəkət istiqamətini Ermənistana ötürüb. Həm birinci, həm ikinci Qarabağ müharibəsi zamanı İran Ermənistanın işğalçılıq fəaliyyətini dəstəkləyib. Baş verən hadisə göstərir ki, İranın Azərbaycana qarşı münasibəti qətiyyən dəyişməyib. Əksinə daha əvvəl Azərbaycana qarşı Ermənistanı dəstəkləyən İran artıq bizə qarşı olan antipatiyasını terror aktı ilə davam etdirir”.
Ələsgər / Busaat.az
