Gürcüstan prezidenti Salome Zurabişvili ölkə hakimiyyətini “Xarici agentlər haqqında” qanun layihəsinin qəbuluna etiraz edən nümayişçilərə qarşı güc tətbiq etməkdən çəkinməyə çağırıb.
Busaat.az xəbər verir ki, bu barədə Gürcüstan prezidenti CNN-ə müsahibəsində deyib.
“Qoy hakimiyyət başa düşsün ki, onlarla getdikcə artan əhali arasında uçurumu daraltmaq üçün son şansları var. Özlərinin qeyri-rəsmi rusiyayönlü qüvvə olmadıqlarını nümayiş etdirmək üçün son şansları var. Qoy onlar hər hansı güc tətbiq etməkdən çəkinsinlər. Bu, mənim onlara buradan mesajımdır”, – Zurabişvili CNN telekanalında bildirib.