Ermənistanın Baş Prokurorluğu ikinci prezident Robert Koçaryan və onunla əlaqəli şəxslərdən qanunsuz yolla əldə edilmiş əmlakın – 22 daşınmaz əmlak və 15 müxtəlif şirkətdə payların müsadirə edilməsini tələb edir.
Busaat.az erməni KİV-ə istinadən xəbər verir ki, bu barədə ölkə parlamentində baş prokuror Anna Vardapetyan bildirib.
“İş üzrə təqsirləndirilən şəxslər Robert Koçaryan, Bella Koçaryan, Sedrak Koçaryan, Zarui Badalyan, Levon Koçaryan, Siranuş Koçaryan, Qayane Koçaryan və Vigen Çatinyandır.
Prokurorluq Ermənistanın maraqları naminə 22 daşınmaz obyektin, əmlakın alqı-satqısı üzrə 2 hüququn, qeyri-qanuni əmlakın müsadirəsi üzrə 3 milyon ABŞ dollarından çox vəsaitin, 985 mln dram dəyərində istiqrazların, 1.4 mln ABŞ dolları dəyərində depozitlərin, 15 hüquqi şəxsdə 4 milyon dollar dəyərində iştirakın, 8.3 mlrd dram, 260 mln rubl və 590 min avro dəyərində kreditlərin tələb olunması hüququnun, 3.8 mlrd və 20 mlrd dram dəyərində iki nəqliyyat vasitəsinin və sair əmlakın müsadirə edilməsini tələb edir”, – o bildirib.
