Kiyevdə Dnepr üzərindən keçən beş əsas avtomobil körpüsündən ikisi yararsız vəziyyətdədir.
Bakıvaxtı.az xəbər verir ki, bu barədə “UNIAN” agentliyi məlumat yayıb.
Məlumata görə, Ukraynadakı bütün körpülərin təxminən 9 faizi yararsız vəziyyətə düşüb ki, xüsusilə də Kiyevdə ötən əsrin 50-60-cı illərində tikilmiş şəhərin ən qədim körpüləri olan Paton və Metro körpüləri təhlükə yaradır.
Bildirilib ki, mütəxəssislər beton dayaqlarda çatlar və tirlərin 80 faiz korroziyasını qeydə alıblar.
Bu yollarda hər gün 100 mindən çox avtomobilin hərəkət etdiyi qeyd olunub.
