Polşada İkinci Dünya Müharibəsi dövrünə aid kütləvi məzarlıq tapıldı - FOTO
Polşanın Vroslav şəhərindəki villanın bağçasında aparılan qazıntı zamanı İkinci Dünya Müharibəsi dövrünə aid 128 nəfərlik kütləvi məzarlıq aşkar edilib.
Busaat.az xəbər verir ki, Pomost Tarix və Arxeoloji Araşdırmalar Emalatxanası ərazidə insanların dəfn oluna biləcəyinə dair bildiriş aldıqdan sonra qazıntı işlərinə başlayıb.
Mart ayında başlayan qazıntılar çərçivəsində villanın uzunluğu 100, eni 10 metr olan bağçada qazıntı aparan mütəxəssislər 128 nəfərin cəsədini aşkar ediblər.
Tapılan cəsədlərin o dövrdə Almaniyanın tərkibində olan və İkinci Dünya Müharibəsinin son aylarında Qırmızı Ordu tərəfindən həyata keçirilən Breslau mühasirəsi zamanı həyatını itirən Alman vətəndaşlarına aid olduğu müəyyən edilərkən, cəsədlərdən 120-nin uşaq və qocalar da daxil olmaqla mülki şəxs olduğu müəyyən edilib.
Bildirilib ki, digər 8 nəfər isə İkinci Dünya Müharibəsinin sonlarına doğru Adolf Hitlerin əmri ilə alman kişilərindən yaradılan xalq-azadlıq ordusu “Volksşturm”un əsgərləridir.
Villanın bağçasından çıxarılaraq Poznan Qəbiristanlığı anbarına aparılan qurbanların skelet qalıqlarının sentyabr ayında keçiriləcək mərasimlə Nadolice Wielkie-dəki Alman Döyüş Qəbiristanlığında dəfn ediləcəyi öyrənilib.
Busaat.az
