Rusiya MDB ölkələri arasında əməkdaşlığın daha da gücləndirilməsində maraqlıdır.
Busaat.az xəbər verir ki, bunu Rusiyanın baş naziri Mixail Mişustin Soçidə MDB Hökumət Başçıları Şurasının iclasında bildirib.
“Rusiya MDB-də əməkdaşlığın daha da gücləndirilməsində səmimi maraqlıdır. Son üç onillikdə biz ticarət-iqtisadi sahədə, ən əsası isə sosial-humanitar sahədə əməkdaşlıq üçün möhkəm hüquqi-normativ baza yaratmışıq”, – Mişustin deyib.
Onun fikrincə, MDB ölkələrinin xalqlarını çoxəsrlik tarix, ümumi mədəni və sivilizasiya kodu birləşdirir.
Qeyd edək ki, iyunun 7-8-də Soçidə Avrasiya Hökumətlərarası Şurasının və MDB ölkələrinin Hökumət Başçıları Şurasının iclasları keçirilir.
Busaat.az
