Sumqayıtın daha bir həkimi koronavirusdan dünyasını dəyişdi – FOTObackend

Azərbaycanda daha bir həkim koronavirusun qurbanı olub.

Busaat.az-ın məlumatına görə, Sumqayıt şəhər Təcili və Təxirəsalınmaz Yardım Stansiyasının həkim -pediatrı Xasay Bayramov bu gün dünyasını dəyişib.

50 yaşlı X. Bayramov 17 gün idi ki, Bakıda “Yeni klinika” da müalicə alırdı. Bir neçə gün bundan öncə vəziyyəti yaxşılaşsa da qəfildən yenidən səhhəti ağırlaşıb. Həkimlərin səylərinə baxmayaraq onu xilas etmək mümkün olmayıb.

Sumqayıt şəhər Təcili və Təxirəsalınmaz Yardım Stansiyasından Xeberle.com-a həkimin koronavirusdan dünyasını dəyişdiyini təsdiqləyiblər.

Qeyd edək ki, bununla da Sumqayıtın koronavirus səbəbindən itirdiyi tibb işçilərinin sayı 5-ə çatıb.