Türkiyə şirkətləri Rusiyadan Afrikanın ən yoxsul ölkələrinə 1 milyon ton taxıl tədarükündə iştirak etməyə hazırdır.
Busaat.az xəbər verir ki, bu barədə Ankaradakı siyasi dairələrdəki mənbə TASS-a bildirib.
“Bəli, məsələ üzərində iş gedir. Türkiyə şirkətləri Qətərin maliyyə yardımı göstərəcəyi təşəbbüsdə fəal iştirak etməyə hazır olduqlarını bildiriblər”, – mənbə deyib.
Bu arada, yerli taxıl ittifaqındakı mənbə daha əvvəl TASS-a bildirib ki, Türkiyənin Rusiyadan 1 milyon ton taxıl emal edərək una çevirmək və Afrikaya çatdırmaq üçün kifayət qədər imkanları var.
Avqustun 31-də Moskvada Rusiyanın xarici işlər naziri Sergey Lavrov və türkiyəli həmkarı Hakan Fidan arasında danışıqlar aparılıb. Onlar taxıl müqaviləsini və 1 milyon ton Rusiya taxılının Türkiyəyə güzəştli şərtlərlə tədarükünün təşkili planının həyata keçirilməsinin parametrlərini müzakirə ediblər. Təşəbbüs Qətərin Türkiyə zavodlarında taxılın emalını, sonradan ehtiyacı olan ölkələrə göndərilməsini maliyyələşdirməsini nəzərdə tutur. Sentyabrın 4-də Rusiya və Türkiyə prezidentləri Vladimir Putin və Tayyib Ərdoğan Soçidə keçirilən görüşdə məsələni müzakirə ediblər.
