2 Fevral -Azərbaycan Gəncləri Günü
1997-ci il Fevralin2-si Ümumilider Heydər Əliyevin Fərmanına əsasən hər il fevralın 2-si Azərbaycanda Gənclər günü kimi qeyd olunur.Həmin vaxtdan etibarən fevralın 2-si MDB məkanında və Şərqi Avropa ölkələri arasında ilk dəfə olaraq Azərbaycanda Gənclər Günü təntənəli şəkildə qeyd edilməyə başlanıb Bu Fərman,Ümumilider Heydər Əliyevin gənclərə olan diqqətini bariz bir göstəricisidir.Ümumilider Heydər Əliyev daim öz diqqət və qayğısını ölkənin gənclərindən əsirgəməmişdir.1999-cu il iyulun 29-da imzaladığı “Dövlət Gənclər siyasəti haqqında “Fərmanla gənclərin inkişafı üçün əlverişli şərait yaradılmışdır.Bu fərmana əsasən Azərbaycan Respublikasında dövlət gənclər siyasətinin həyata keçirilməsi ilə bağlı tədbirlər planı təsdiq edilmiş,Gənclər və İdman Nazirliyinin nəzdində gənclərin problemləri üzrə elmi araşdırmalar mərkəzi yaradılmışdır.2002-ci il 9 aprel tarixində isə imzalanmış “Gənclər siyasəti haqqında “Azərbaycan Respublikasının Qanunu qəbul edilmişdir.Bu Qanun Azərbaycan Respublikasında gənclər siyasətinin məqsədlərini ,prinsiplərini ,istiqamətlərini ,təşkilati-hüquqi əsaslarını müəyyən edir və bu sahədə yaranan münasibətləri tənzimləyir.Bu gün Ümumilider Heydər Əliyevin uğurlu siyasəti nəticəsində Azərbaycan Gəncləri bir çox sahələrdə uğur qazana bilir və öz bacarıqlarını nümayiş etdirirlər.Bu siyasətin uğurlu davamçısı isə Azərbaycan Respublikasının Prezidenti İlham Əliyevdir.Ümumiliderin davamçısı İlham Əliyev bütün dəstəyini gənclərdən əsirgəmir .Məhz dövlətin gənclərə dəstək və diqqət göstərməsinin nəticəsidir ki ,Azərbaycan gəncliyində özünə öz gücünə inam hissi artıb.Prezident İlham Əliyevin gənclərin potensialının gerçəkləşməsinə ,onların öz güclərinin fərqində olmasında,onların savadlı və vətənpərvər kadr kimi yetişməsində rolu böyükdür.Mütəmadi olaraq gənclər üçün keçirilən yarışlar və forumlar onların boş vaxtlarının düzgün qiymətləndirilməsinə kömək etmişdir .2007-ci ilin “Gənclər ili “elan olunması gənclərin ölkənin ictimai -siyasi və mədəni həyatında fəallığının daha da artmasına səbəb olmuşdur.Prezident İlham Əliyevin təşəbbüsü ilə 2011-cil 19 dekabr tarixində Azərbaycan Respublikasının Prezidenti yanında Gənclər Fondu yaradılmışdır.Fondun məqsədi gənclərin elm,təhsil,mədəniyyət və digər sosial sahələrə yönəlmiş ictimai və sosial,əhəmiyyətli ,o,cümlədən beynəlxalq səviyyədə həyata keçirilən layihə və proqramları qrant şəklində maliyyələşdirmək idi.
Məmmədova Bilqeyis
Azərbaycan Dillər Universiteti
