Antalyanın Kəpəz qəsəbəsində yerləşən “Kepez Mahmut Celalettin Ökten Anadalu İmam Hatip” liseyində dərslərə başlayan 5 və 9-cu sinif şagirdləri Azərbaycana dəstək göstərib.
Busaat.az xəbər verir ki, dərslər başlamazdan öncə ənənəvi olaraq təşkil edilən bayraq mərasimində Qarabağın azadlığı uğrunda mübarizə aparan Azərbaycana dəstək məqsədilə Türkiyə bayrağı ilə yanaşı ölkəmizin bayrağı da dalğalandırılıb.
Həmçinin mərasimdə Türkiy İstiqlal Marşı ilə yanaşı Azərbaycan himni də oxunub. Şagirdlər “Bir millət, iki dövlət” şüarını da səsləndiriblər.
