Çin və Rusiya liderləri arasında görüş uğurlu olub - Putin

Kreml sarayında bir araya gələn Rusiya Prezidenti Vladimir Putin və Çin Dövlət Başçısı Si Tsipinin iştirakı ilə Rusiya və Çin nümayəndə heyətləri arasında görüşlər keçirilib.

Busaat.az xəbər verir ki, İki ölkə liderləri danışıqlardan sonra mətbuat konfransı keçirib.

Danışıqların “uğurlu”, “konstruktiv” və “səmimi” keçdiyini bildirən Putin, Tsipin ilə iki ortaq bəyanat imzaladıqlarına diqqət çəkərək deyib: “Bu bəyanatlar Rusiya-Çin əlaqələrinin xüsusi xarakterini tam əks etdirir. Tarixin ən yüksək inkişaf səviyyəsində real hərtərəfli tərəfdaşlıq və strateji qarşılıqlı fəaliyyət nümunəsidir”.

Putin yuxarıda qeyd olunan bəyannamələrin Rusiya və Çin arasında dostluğu daha da gücləndirəcəyinə, iki dövlətin və xalqın sabitliyini təmin edəcəyinə ümid etdiyini bildirib.