“Türkiyə tarixinin ən böyük təbii qaz kəşfini Qara dənizdə gerçəkləşdirdi. Fatih gəmisi adınalayiq şəkildə bizi qürurlandırdı”.
Busaat.az xəbər verir ki, bu sözləri Türkiyə Prezidenti Rəcəb Tayyib Ərdoğan bu gün keçirdiyi mətbuat konfransında deyib.
“Fatih qazma gəmisi 320 milyard kubmetr təbii qaz kəşf edib. Hədəfimiz 2023-cü ildə Qara dənizdən çıxardığımız təbii qazı millətimiz istifadə edəcək. Bu, zəngin bir qaynağın sadəcə bir parçasıdır. Mən “Fatih” gəmisini yola saldığım günü çox yaxşı xatırlayıram. Biz bunu milli imkanlarla reallaşdırdıq. Təbii qazın üzə çıxarılması və sistemə keçirilməsi mərhələli şəkildə aparılacaq. Hər axtaran tapa bilməz, amma tapanlar yaxşı axtaranlardır. Bu işin davamı gələcək. Sadəcə dənizlərdə deyil, quru ərzilərdə də təbii qaz axtarma işlərini davam etdiririk. Enerji məsələmizi özümüz həll edəcəyik. Hər qaynaq digərinin davamıdır”.
