Polşa Slovakiya ilə sərhəddə müvəqqəti nəzarət tətbiq edəcək.
Busaat.az xəbər verir ki, bu barədə PAP agentliyi məlumat yayıb.
Mənbənin sözlərinə görə, Polşanın daxili işlər naziri Mariuş Kaminski bildirib ki, yoxlamalar 10 gün davam edəcək, lakin bu müddət uzadıla bilər.
Bəzi əcnəbilərin Polşadan keçərək Almaniya və digər Avropa Birliyi ölkələrinə keçdiyini deyən Kaminski, son iki həftədə 551 qeyri-qanuni immiqrantın tutulduğunu qeyd edib.
2022-ci ilin oktyabrında Polşa Belarus sərhədində tikanlı məftillərlə örtülmüş beş metrlik polad hasardan ibarət 186 kilometrlik sədd çəkdi. Burada minlərlə mühacirin Polşa ərazisinə daxil olmağa cəhd göstərdiyi üçün bu ölkədən miqrasiya təzyiqi artdı.
Bundan əlavə, iyun ayında Polşa-Belarus sərhəd divarına kameralar, termal görmə nəzarəti avadanlığı və sensorlardan ibarət elektron maneə əlavə edilib.
