“Golden Foot” mükafatının sahibi bəlli olub.
Busaat.az xəbər verir ki, Monako knyazı II Albertin təşəbbüsü ilə 2003-cü ildə təsis olunan mükafata Kriştiano Ronaldo sahib çıxıb.
Portuqaliya milisinin və İtaliya “Yuventus”unun ulduzu yaşı 29-dan çox olan futbolçular arasında ən yaxşı seçilib. Ronaldo səsvermədə Lionel Messi, Robert Levandovski, Corco Kyellini, Neymar, Serxio Aquero, Jerar Pike, Məhəmməd Salah, Serxio Ramos və Artur Vidalı arxada qoyub.
Qeyd edək ki, mükafata hər futbolçu yalnız bir dəfə sahib ola bilər.
