Gürcüstanın eks-prezidenti Salome Zurabişvili şəxsi əlaqələrindən istifadə edərək ABŞ prezidenti Donald Trampı ölkəni Rusiyadan qorumağa çağırıb. Busaat.az xəbər verir ki, bu barədə The Hill yazır.
Siyasətçi ABŞ-ın yeni prezidenti ilə əlaqə saxlamağa çalışır.
Eyni zamanda, nəşrin qeyd etdiyi kimi, Co Baydenin rəhbərlik etdiyi keçmiş administrasiya protokola sadiq qalmağa üstünlük verib və faktiki olaraq Zurabişvilini bloklayıb.
Jurnalistlər müəyyən ediblər ki, Gürcüstanın keçmiş lideri Trampa Rusiyanın respublikadan “oyun meydançası” kimi istifadə etdiyini başa salmaq niyyətindədir. Əgər Tramp regiona maraq göstərməsə, ölkə Rusiya və Çinin təsiri altına düşəcək, Zurabişvili izah edib.
Yanvarın 22-də Zurabişvili Trampın andiçmə mərasimində iştirak etmək üçün səfəri zamanı prezident administrasiyasının nümayəndələri ilə söhbətlər apardığını açıqlayıb. “Vaşinqtona əsas mesajım odur ki, Gürcüstan bu gün amerikalı dostlarımızın diqqətinə həmişəkindən daha çox ehtiyac duyur.
Yanvarın 8-də Zurabişvilinin yeni iş yeri məlum olub. Gürcüstanın keçmiş prezidenti ABŞ-ın Arizona Universitetinin Makkeyn İnstitutunda Kissincer təqaüdçüsü olub.
