Xırdalanda dünən kişinin başını kəsərək öldürən şəxsin kimliyi məlum olub.
Busaat.az xəbər verir ki, hadisə gecə saat 10 radələrində bazarda baş verib.
Orada satıcı işləyən 1975-ci il təvəllüdlü Sərdar Sabir oğlu Həsənov bıçaqlanaraq qətlə yetirilib. Onu Bakı şəhər sakini, 1975-ci il təvəllüdlü Dünyamalıyev Vüsal Şahin oğlunun öldürdüyü məlum olub.
V. Dünyamalıyev qətli törətdikdən sonra polis şöbəsinə gedərək təslim olub. Onun əvvəllər Cinayət Məcəlləsinin 127-ci (Qəsdən sağlamlığa az ağır zərər vurma) maddəsi ilə məhkum olunduğu bildirilir.
Faktla bağlı Abşeron rayon prokurorluğunda araşdırma aparılır.