“Ukraynada təxminən səkkiz aya yaxındır davam edən münaqişədə nüvə silahından istifadə qlobal döyüşün başlanğıcı ola bilər”.
Busaat.az xəbər verir ki, bu sözləri New York Universitetinin biznes üzrə professoru Nouriel Roubini deyib.
“Dünya həm İrandakı nüvə münaqişəsinin reallaşmasına, həm də ABŞ-ı ən çox narahat edən Çinin Tayvan uğrunda müharibəyə başlamasına şahid ola bilər. ABŞ və Çin arasında artıq soyuq müharibə var. Bu soyuq müharibə prezident Si Tsipinin Çin və Tayvanı birləşdirməyə yönəlik addımlar atdığı zaman “qaynar müharibə”yə çevrilə bilər. Müəyyən mənada Üçüncü Dünya Müharibəsi artıq başlayıb. Üçüncü Dünya Müharibəsi Ukraynada başladı, çünki bu münaqişənin Rusiya və Ukraynadan da kənara çıxan daha geniş təsirləri var” – deyə, Roubini mövcud böhranların ABŞ-ı tələyə sala biləcəyini vurğulayıb.
“ABŞ və İran arasında nüvə sazişi ilə bağlı danışıqlar uğurlu getmir və İsrail deyir ki, əgər İran nüvə silahına sahib olacaqsa biz onlara hücum edəcəyik. İnanıram ki, növbəti 5-10 il ərzində bunlar reallaşacaq. ABŞ və Çin arasında Tayvan məsələsində qarşıdurmanın olacağı gözlənilir və bu soyuq müharibənin isti müharibəyə çevrilməsinin tətikçisi ola bilər. Biz beləcə Üçüncü Dünya müharibəsinə doğru gedirik” –deyə, Roubini Ukraynadan sonra digər qaynar nöqtənin İran ola biləcəyinə diqqət çəkib.
