Rusiyaya qarşı müharibəyə qoşulmayacağıq - Orban
“İndiki Macarıstan hökuməti hakimiyyətdə olduğu müddətdə Rusiya ilə müharibəyə qoşulmayacağıq”.
Busaat.az xəbər verir ki, bunu Macarıstanın baş naziri Viktor Orban bildirib.
Macarıstanın baş naziri Viktor Orban “Kossuth” Radiosuna Rusiya-Ukrayna müharibəsi ilə bağlı danışıb.
Viktor Orban bildirib ki, indiki Macarıstan hökuməti hakimiyyətdə olduğu müddətdə Rusiya ilə müharibəyə getməyəcək:
“Macarıstan hökuməti Budapeştin Rusiya ilə müharibəyə getməsinə və ölkənin Ukraynada münaqişəyə sürüklənməsinə imkan verməyəcək”.
Orban Budapeşt meri Gergely Karacsonyinin, “Macarıstan artıq Rusiya ilə müharibədədir”, – sözlərinə reaksiya verib.
“Əgər kimsə oturduğu yerdən qalxmadan belə şeylər söyləyirsə, ağlını itirmiş deməkdir”, – Orban deyib.
Orban İkinci Dünya Müharibəsindən xəbəri olan heç bir ağlı başında adamın belə bəyanatlar vermədiyini də vurğulayıb.
Busaat.az
