ABŞ müdafiə naziri Lloyd Ostin türkiyəli həmkarı Hulusi Akarla telefon danışığında NATO-nun qarşıdakı sammitini və ikitərəfli hərbi əməkdaşlığı müzakirə edib.
“Qafqazinfo” TASS-a istinadən xəbər verir ki, bu barədə Pentaqonun mətbuat katibi Con Kirbinin müdafiə nazirlərinin danışıqlarının yekunlarına dair yazılı bəyənatında deyilir.
“Onlar ikitərəfli əməkdaşlıq və regional məsələləri müzakirə ediblər”, – deyə mətbuat katibi qeyd edib. “Nazir (Lloyd Ostin) ABŞ və Türkiyə arasında müdafiə sahəsində uzunmüddətli münasibətləri vurğulayıb və iyunun 14-də Brüsseldə NATO-nun sammitində nazirlə (Hulusi Akar) görüşməyi səbirsizliklə gözlədiyini bildirib”, – deyə Kirbi bildirib.
Qeyd edək ki, NATO sammiti iyunun 14-də Brüsseldə keçiriləcək. Sammit pandemiya səbəbindən bir günə qədər azaldılıb, cəmi 2,5 saat davam edəcək bir plenar sessiya planlaşdırılıb.
