Dünən günorta saatlarında Əfqanıstanın paytaxtı Kabildə Çin otelinə təşkil edilən silahlı və bombalı hücumun məsuliyyətini terror təşkilatı İŞİD öz üzərinə götürüb.
Busaat.az xəbər verir ki, bunu terror təşkilatı özü sosial media hesablarından açıqlayıb.
Kabildəki Təcili Tibbi Yardım Xəstəxanasından verilən açıqlamada hücumda 18 nəfərin yaralandığı, 3 cəsədin xəstəxanaya gətirildiyi bildirilib.
Taliban müvəqqəti hökumətinin sözçüsü Zabihullah Mücahid sosial media hesabındakı paylaşımda digər əcnəbi vətəndaşların xilas edildiyini, iki xarici vətəndaşın isə otelin pəncərəsindən tullandığı zaman yaralandığını bildirib.
