Türkiyənin Qars şəhərində silah qaçaqmalçılarına qarşı keçirilən əməliyyatda 8 şübhəli saxlanılıb.
Busaat.az xəbər verir ki, bu barədə ölkənin Qaçaqmalçılıq və Mütəşəkkil Cinayətkarlıqla Mübarizə Şöbəsi məlumat yayıb.
Bildirilib ki, polis qaçaqmalçılıq yolu ilə silah daşıyan və sənədsiz silah saxlayanların tutulması istiqamətində əməliyyat-axtarış tədbirləri həyata keçirib.
Polis qrupları tərəfindən təyin olunan ünvanlarda həyata keçirilən əməliyyat zamanı 8 şübhəli tutulub.
Saxlanılanların evlərində və iş yerlərində aparılan axtarış zamanı onlardan 9 ədəd sənədsiz tapança, 8 ədəd maqazin və 48 ədəd patron götürülüb.
Tutulan şübhəlilərin polis bölməsində əməliyyatları davam etdirilir.
