Suriyada zəlzələdən zərər çəkən İdlib, Hələb, Hama, Latakiya və Tartus əyalətlərində axtarış-xilasetmə işləri fevralın 6-dan indiyə qədər davam edir.
Busaat.az xəbər verir ki, SANA-nın xəbərinə görə, Hələb, Latakiya, Həma və Tartus əyalətlərində rejimin nəzarətində olan bölgələrdə 1 347 nəfər həyatını itirib, 2 min 295 nəfər isə yaralanıb.
Suriyanın şimalında müxalifətin nəzarətində olan ərazilərdə çoxlu binalar dağıdılıb və ya zədələnib.
Suriya İnsan Haqları Şəbəkəsi (SNHR), Mülki Müdafiə (Ağ Dəbilqəlilər), yerli hakimiyyət orqanları, səhiyyə təşkilatları və yerli mənbələrdən toplanan məlumatlara görə, Suriyanın İdlib və “Fırat Kalkanı” və “Zeytin Dalı” əməliyyatı bölgələrində ən azı 1 970 nəfər həlak olub, 2 950-dən çox insan yaralanıb.
Müxalifətin nəzarətində olan ərazilərdə xilasetmə işlərinə Suriya Milli Ordusunun (SMO) üzvləri də cəlb olunub.
Yaralılar sağlamlıq mərkəzlərinə köçürülür. Evləri dağılmış və ya zədələnmiş zəlzələdən sağ çıxanlar gecəni küçələrdə və ya müvəqqəti çadırlarda keçirirlər. Suriyanın şimalındakı bölgələrdəki yerli qeyri-hökumət təşkilatları təcili yardım çağırır.
